Trova na Palora

crìdiri  {verbu}

puisìa:

• Ju criu a chiddu chi viu e sentu
  e giudicu, quannu aiu lu senziu giustu,
  chi la storia la nventanu li genti
  chi portanu a cravatta e l'aneddi d'oru.
  ("Lu sceccu e Sanciu Panza", Cottone)

maravigghiari  {verbu}

puisìa:

• Assira, pirò, mi maravigghiavi
  quannu la ntisi diri puru a idda,
  mentr'era assittata nta la gnuni
  unni passa la jurnata:
  "Nun c'è megghiu di st'ura".
  
  Iu fici finta di nun la sintiri
  e pinzava: "Avi raggiuni."
  Picchì è bonu finiri la cummedia di sta vita,
  quannu nun c'è piaciri.
  
  ("Nun c'è megghiu di st'ura", Cottone)

nicareddu  {agg.}

puisìa:

• Quannu iu era nicaredda,
  me matri mi dicìa cunvinta:
  "Tu si' un diavulu fimmina".
  Le me' frati eranu, pi idda,
  tanti sfurcati comu a mia.
  ("Nun c'è megghiu di st'ura", Cottone)

storia  {sust.}

puisìa:

• Ju nun criu a la storia scritta,
  ch'è tutta na munzignarìa.
  Li storici, appattati cû guvernu,
  scrivinu chiddu chi piaci a li signuri,
  e li picciotti senza spirienza
  s'agghiuttinu ogni storia e si vantanu
  chi la storia nzigna cosi granni,
  e iddi ni sannu assai chiù di quannu
  ascutavanu a li vecchi du paisi.
  ("Lu sceccu e Sanciu Panza", Cottone)