Trova na Palora

aceddu  {sust.}

puisìa:

• Ncuttu, nfutu, lu ciuciulìu
  d'oceddi a migghiara,
  pàssari e pittirrussi,
  canarii,
  gàiuli e rusignoli
  merri e cardiddi
  munaceddi
  calantruna e picciuni,
  ("L'acchianata di l'aciddara", Di Marco)

agneddu  {sust.}

puisìa:

• E quantu, ma quantu
  o santi Diu di li paraddisi,
  quantu sunnu l'agneddi di lu Cristu
  c'ancora li lupa fatti caini
  di facci cu facci t'hannu a scannari?
  ("L'aranciu amaru", Di Marco)

aranciu  {sust.}

puisìa:

• Ammatula cantau lu pueta:
  nascivi sicilianu, o Signuri,
  e p'amuri mi chiamu sicilianu
  ma c'un duluri anticu ca nun passa,
  cu st'aranciu amaru dintra lu pettu.
  ("L'aranciu amaru", Di Marco)

custari  {verbu}

puisìa:

• A li voti
  lu parrari mi custa
  e perciò
  mi tegnu 'ntrusciatu
  cu mia
  ni lu pettu,
  la menti a lu silenziu
  unni sòlinu sbucciari
  li venti di la 'stati.
  ("A li voti", Di Marco)

nvitari  {verbu}

puisìa:

• Di quant'eranu 'mmitati
  arrivasti sulu tu
  senza màscara né truccu
  ci vinisti sulu tu.
  ("La ballata di la morti", Di Marco)

spàrtiri  {verbu}

puisìa:

• Nun c'è nenti ca si sparti
  di la vita cu la morti,
  nun c'è nenti c'addimura
  zoccu c'è nun ci sarà.
  ("La ballata di la morti", Di Marco)

sùsirisi  {verbu}

puisìa:

• Sula na vuci ch'acchiana di l'abissi
  di lu pettu e s'arrivota e grida
  "Allarmi Sicilia, allarmi! Prestu
  sùsiti di nterra cu li to' figghi:
  la strata pi cu' senti lu curaggiu
  ora è chidda di lu cummattimentu."
  ("L'aranciu amaru", Di Marco)

svigghiarisi  {verbu}

puisìa:

• E quantu morti ancora ci vonnu,
  o genti pacinziusa di Sicilia,
  prima ca tu ti levi finarmenti
  lu to' tistali orbu di li scecchi
  e ti svigghi di 'stu sonnu, 'stu sonnu
  ca ti 'ntama sutta li to' letti?
  ("L'aranciu amaru", Di Marco)