Trova na Palora

addumannari  {verbu}

puisìa:

• Ora, comu agneddi arrustuti
  nni la furnaci sempri addumata
  cu l'occhi e la lingua di fora
  addumannanu aiutu:
  vulissiru appinnuliarisi a li tò pedi
  o macari a li pinzera.
  ("A 'Gnaziu Buttitta", La Mattina)

jardinu  {sust.}

puisìa:

• 'Mmenzu jardinu di mennuli e castagni
  ti fa sentiri ciarameddi:
  a sunari sunnu li pastura ca 'n terra avevanu
  panzi schitti e caddi nna li cori.
  ("A 'Gnaziu Buttitta", La Mattina)

valiggia  {sust.}

puisìa:

• Ti vitti ajeri 'Gnaziu
  cu lu cappottu novu di la festa
  li scarpi e la burritta
  prontu a partiri, cu la valigia pisanti
  di li jorna, pri l'ultimu viaggiu
  ca nuddu ti potti sparagnari.
  ("A 'Gnaziu Buttitta", La Mattina)

zappuni  {sust.}

puisìa:

• La tò puisia 'Gnaziu, ca pri tutti
  è ventu ca sdradica pinzera
  zappuni dintra l'arma
  punzedda ca pitta 'mmenzu li negghi;
  ("A 'Gnaziu Buttitta", La Mattina)