Trova na Palora

assicutari  {verbu}

puisìa:

• Quannu lu cani è senza patruni,
  e munnu munnu va, circannu pani,
  malitrattatu è di li pirsuni
  e assicutatu di l'autri cani.
  ("Lu cani", Provenzano)

caminari  {verbu}

puisìa:

• Ed iu, ntra scrusciu e fumu,
  mentri caminu,
  ni sta città putenti,
  viu la dibulizza, fragili, umana,
  di li sò emarginati,
  curcati 'nterra,
  darrè li porti
  tutti 'ncudduriati.
  Parinu cani senza li patruna,
  rugnusi e abbannunati.
  ("Caminu", Provenzano)

circari  {verbu}

puisìa:

• Quannu di iornu va pi la so via,
  l'acqua, lu suli, lu friddu, lu ventu,
  ci fannu naturali cumpagnia.
  Poi chi la notti scinni a passu lentu,
  iddu si ferma e aspetta l'arba nova
  pi partiri e circari soccu 'un trova.
  ("Lu vacabunnu", Provenzano)

cumannari  {verbu}

puisìa:

• Ottucent'anni fa, Re Federicu
  fu chiddu chi 'nSicilia cumannava.
  Fu un Re Nurmannu, di li genti amicu,
  saggizza e 'ntiligenza 'un ci mancava.
  ("Re Federicu e la lingua siciliana", Provenzano)

firita  {sust.}

puisìa:

• Ma, la firita aperta,
  lu turmentu fisicu,
  lu straziu mentali,
  chissi nun scumparinu.
  Nun morinu.
  Restanu vivi
  e agonizzanti pi sempri!!!
  ("Li frecci di l'abusu", Provenzano)

freccia  {sust.}

puisìa:

• Li frecci
  chi sigritamenti
  curpiscinu
  lu bersagghiu invisibili
  di la menti e lu corpu
  di la vittima
  di qualsiasi abusu,
  cadinu
  'nsemi a lu chiantu
  e lu sugghiuzzu,
  'nta l'abissu senza funnu
  di lu tempu.
  ("Li frecci di l'abusu", Provenzano)

gràpiri  {verbu}

puisìa:

• Krushoff dissi: "Caru amicu miu
  chi grapiri la vucca nun voi chiù
  lu voi sapiri d'unni stava iu?
  Propriu d'unn'è, chi sì accamora tu!"
  ("Krushoff a lu cungressu", Provenzano)

prèscia  {sust.}

puisìa:

• Caminu, nta li strati
  di sta città putenti,
  di sta città giganti,
  di sta città affuddata
  di machini e di genti
  chi hannu prescia
  e currinu chiù avanti.
  ("Caminu", Provenzano)

spìriri  {verbu}

puisìa:

• Si qualchi Sicilianu 'un n'è sicuru,
  cu sunnu e soccu scrissiru, 'un c'è scusa;
  Mannati ad Arba Sicula li spisi,
  vi li spiremu 'nsicilianu e 'nglisi.
  ("Re Federicu e la lingua siciliana", Provenzano)