Trova na Palora

calari  {verbu}

puisìa:

• Comu si fà stu focu, e la surgenti
  D'unni diriva non si sa pricisu;
  Ognunu nni la cunta inutilmenti,
  Chi non sù tistimonii di visu.
  Empedocli, chi vosi seriamenti
  Calarci a rischiu di ristari accisu,
  Iddu sulu li cosi ch' 'un si sannu
  Ni putrà diri: ma si sta aspittannu.
  ("Lu focu di Muncibeddu", Tempio)

curiusu  {agg.}

puisìa:

• 'Stu Filosofu arditu e curaggiusu,
  Pr' 'un si passari chista musca a nasu,
  Vosi calari propriu 'dda ghiusu
  Pri ristrani di tuttu pirsuasu;
  Tuttu vosi vidiri curiusu
  Ccu l'occhi proprii, ed accirtau lu casu:
  Ma fu da tanti cosi' 'mbarazzatu,
  Ch'ha tantu tempu, e ancora 'un è turnatu.
  ("Lu focu di Muncibeddu", Tempio)

fami  {sust.}

puisìa:

• Quannu nni forzi a rumpiri
  li mutui ligami,
  chi non fai fari all'omini,
  di pani o sacra fami!
  ("La carestia", Tempio)

gaggia  {sust.}

puisìa:

• Iu in una gaggia mia
  Un cardidduzzu avìa,
  Chi cuntinuu satava
  Senza queti, e riposu
  Circannu libertà. Tu si assurtatu,
  Cardidduzzu, e non vidi
  La tua felicità. Tu non hai dica
  D'abbuscarti la spisa;
  ("La libertà", Tempio)

prizziusu  {agg.}

puisìa:

• La bella Libertà! Matri natura
  Non putìa fari a nui
  Donu chiù preziusu, o darni chiui.
  Mossu dunchi a pietà
  Cci dugnu libertà.
  ("La libertà", Tempio)

scappari  {verbu}

puisìa:

• Mangi, e bivi, e non fai nudda fatica.
  Chista stissa prigiuni,
  Da cui cerchi a vuluni
  Scappari, ti fa esenti tutti l'uri,
  Di crudi Cacciaturi,
  E di l'artigghj feri
  Di nigghj, e di sparveri....O libertati!
  ("La libertà", Tempio)