Trova na Palora

acqua  {sust.}

pruverbiu:

• Unni mi mentu iu, lu mari vota, dissapita diventa l'acqua salata. (Nicotra)

arrifriscari  {verbu}

puisìa:

• Sta voria di mari 'rrifrisca
  li carni, cueta u pinzeri
  n'aceddu...
  ("Voria di mari", Zagarella)

Calabbria  {sust.}

puisìa:

• Ngi volìa 'nu bellu giardìnu,
  tandi ghjùri e voschi di pinu.
  Collini, mari e tandi mundi,
  caddu, Suli e vajùni fundi.
  'A Calabria cusì fu fatta...
  e no ng'è terra mu l'appàtta.
  ("'A Calabria", Accetta)

ciumi  {sust.}

pruverbiu:

• Tutti li ciumi e li ciumari currunu a lu mari. (Nicotra)

cuntentu  {sust.}

puisìa:

• Lu populu
  nu mari gghinu gghinu,
  a villa vecchia
  nu tiatru attentu...
  e nu cuntentu ca
  'un custava nenti!
  ("C'era na vota...", Zagarella)

furtuna  {sust.}

pruverbiu:

• Dàmmi fortuna e jèttami a mari. (Nicotra)

lingua  {sust.}

pruverbiu:

• Cui avi la lingua passa lu mari. (Nicotra)

luna  {sust.}

puisìa:

• C'è la luna 'n menz' ô mari
  Mamma mia, m' ê maritari.
  (tradizionali)

mari  {sust.}

pruverbi:

• Loda lu mari, e tèniti alla terra. (Nicotra)
• Mari, donna e focu dacci locu. (Nicotra)
• Lu mari jètta fora lu corpu mortu. (Nicotra)
• Unni mi mentu iu, lu mari vota, dissapita si fa l'àcqua salàta. (Nicotra)

pisci  {sust.}

puisìa:

• Li pinzera comu pisci
  natanu 'nto mari d'i ricordi.
  ("I chiavi da nostra lingua", Puleo)

reali  {agg.}

puisìa:

• Sicilia, porti la cruna riali,
  'Nta ssa tò testa magna cci cunveni,
  Ca si' cchiù ricca di lu stissu mari,
  E li to' figghi su tutti guirreri.
  Si qualchidunu cci avi a cumannari,
  Passassi sutta si curaggiu teni.
  Sicilia, Sicilia, 'un dubbitari,
  Nuddu ti pistirà sutta li pedi.
  ("Canti", n. 529, Pitrè)

sarvaggiu  {agg.}

puisìa:

• Calabria, terra di Suli e di Mari,
  terra serbàggia e fèra, ccà nescìvi,
  tra 'sti limùni, 'st'aràngi e 'st'alìvi.
  ("Calabria, terra di Suli", Accetta)

terra  {sust.}

pruverbiu:

• Cui pò jiri pri terra nun vaja pri mari. (Nicotra)

ventu  {sust.}

pruverbiu:

• Quannu lu ventu veni di mari, pigghia la truscia e vattìnni a lavàri. (Nicotra)