Trova na Palora

addumari  {verbu}

puisìa:

• A suliscenti
  ntra timpuna e alivi
  spinusu li ciuriddi
  adduma e sona
  tambureddu fistusu
  u ficurinnia
  ("Paisi miu", Zagarella)

arricurdarisi  {verbu}

puisìa:

• Iu m'arriordu
  un munnu... picciriddu:
  avìa l'ucchiuzzi
  e a vucca zuccarini,
  sataa nta l'erva,
  si sgargiaa i rinocchia
  sciarri, chianciuti,
  joca,
  doppu... era crisciutu!
  ("Iu m'arriordu...", Zagarella)

arrifriscari  {verbu}

puisìa:

• Sta voria di mari 'rrifrisca
  li carni, cueta u pinzeri
  n'aceddu...
  ("Voria di mari", Zagarella)

bannera  {sust.}

puisìa:

• banneri cuntrastanti
  chidda russa sgargianti
  e chidda janca e giarna
  ("C'era na vota...", Zagarella)

canùsciri  {verbu}

puisìa:

• Straniu u surdatu,
  nun capeva a parrata,
  ma a menti canusceva
  ddi sunati:
  Schumann, Chopin,
  Strauss, Ravel...
  ("C'era na vota...", Zagarella)

chiazza  {sust.}

puisìa:

• u palcu ri la musica nta chiazza:
  a sira da Ruminica
  na stati scasavunu
  i cantanti furasteri
  Figaro qua... Figaro là, la Norma
  la Traviata, Cincillà
  Rigolettu, u Truvaturi,
  Batterflài...
  ("C'era na vota...", Zagarella)

ciriveddu  {sust.}

puisìa:

• Cangiau lu tempu i cirivedda:
  megghiu a lampa a mircuriu
  cchiù muderna...
  ("C'era na vota...", Zagarella)

cuntentu  {sust.}

puisìa:

• Lu populu
  nu mari gghinu gghinu,
  a villa vecchia
  nu tiatru attentu...
  e nu cuntentu ca
  'un custava nenti!
  ("C'era na vota...", Zagarella)

distrùdiri  {verbu}

puisìa:

• o penzi rispittusu e accustumatu,
  stissa vilanza, dignitati aguali,
  pariggia e caminata
  o a fimmina si struri
  e tu la struri,
  e ri viulenza u munnu si ristruri
  ("Duci Malala", Zagarella)

emigranti  {sust.}

puisìa:

• Tornanu l'emigrati ngiuillati,
  a bancarella 'i zuccuru filatu,
  coccu, pistacchi, perni fausi,
  gilati...
  ("C'era na vota...", Zagarella)

firraru  {sust.}

puisìa:

• Avìanu i Mastri firrari
  l'arti nmanu
  e u ferru arraccamavanu
  e lu ramu di li purtuna,
  ucculi e liuna,
  pampineddi e rusiddi
  a li barcuna
  ("C'era na vota...", Zagarella)

gnuranza  {sust.}

puisìa:

• Vizziu e gnuranza
  lazza di ferru sunu
  e ri sustanza,
  ma l'occhiu vinci
  ri la menti e a liggi:
  ("Duci Malala", Zagarella)

paisi  {sust.}

puisìa:

• Ndiadematu d'aranci
  virdi giallu
  supra la timpa dormi
  lu paisi
  ("Paisi miu", Zagarella)

sfrazziari  {verbu}

puisìa:

• Sfrazzìa u paisi:
  nte festi cumannati
  novi i vistita!
  ("C'era na vota...", Zagarella)

sfuiri  {verbu}

puisìa:

• Ruci ncantata
  a miludìa sfujeva ra vitrata
  e a suliscenti
  nota ccu nota
  cimiddiava o ventu
  ("C'era na vota...", Zagarella)

sira  {sust.}

puisìa:

• Di sira
  spupulava lu silenziu...
  storii nsumava l'ura a la putia
  e palori ascutava,
  negghia u tempu
  ("C'era na vota...", Zagarella)

spugghiari  {verbu}

puisìa:

• Sempri s'ha ntisu mastrupala l'omu,
  a fimmina na cosa ri spugghiari.
  Ni fici puru la Sicilia coriu,
  spirtizza chista
  aieri e oggi sempri sora e nova
  ("Duci Malala", Zagarella)

stinciri  {verbu}

puisìa:

• Ora...
  stinciutu tuttu chissu
  allustru,
  rètina 'i muli semu,
  e ri mircanti
  e sta jancura muta
  di luna
  rintra a ogni scumfitta
  (allammicusa)
  lesta
  si v(a) agnùna!
  ("C'era na vota...", Zagarella)

stoffa  {sust.}

puisìa:

• a stoffa ro panneri
  smugghiata culurata nto vancuni:
  sita, gioggiettu,
  organza, taffità,
  rasu e pannettu 'i lana,
  popeline,
  tulli spumusu,
  scampuli 'i lamé...
  ("C'era na vota...", Zagarella)

studenti  {sust.}

puisìa:

• Chianavanu e scinnevunu sturenti:
  talianu, matamatica, latinu,
  Omeru e Danti, nummari... u supinu,
  Locchi e Mazzini...
  bravu u maistru, nchiari l'occhi 'i cielu:
  a famigghia, u stipendiu, na Seicentu...
  ("C'era na vota...", Zagarella)

sunari  {verbu}

puisìa:

• Fici accapiri
  ca sapìa sunari
  e nto salottu
  (virdi u villutu e damascatu,
  pupi, spicchieri,
  bouquet di ciuri a tutti l'angulieri...)
  sunau e sunau
  e u cori cci allargau,
  a verra si scurdau
  ("C'era na vota...", Zagarella)

tagghiari  {verbu}

puisìa:

• Fora
  u paisi menzu addummisciutu,
  u friddu ca tagghiava
  a facci e l'ossa...
  ("C'era na vota...", Zagarella)

vutari  {verbu}

puisìa:

• Vutaru i tempi,
  stracanciau lu senziu,
  ora su' pupi sgreuti e
  scannaliati
  picciriddi e carusi,
  n'ammugghiata,
  a panza gghina
  e mmizzigghi accattati,
  muschitti 'i strata l'autri
  e li fati smirdati...
  ("Iu m'arriordu...", Zagarella)